UME ETA NERABEEN KONTSEILUAREN LEHENENGO OSOKO BILKURA AZAROAREN 20AN IZANGO DA

Kontseiluaren lehenengo saioa Osoko Bilkura izango da, azaroaren 20an, Umeen Nazioarteko Egunarekin bat eginez. Bilboko alkate Juan Mari Aburto izango da buru, eta Bilboko udaletxean egingo da. Kontseiluak honako osaera izango du: lehendakaria, idazkaria, kontseilukideak, talde politikoen sei ordezkari eta adingabeen 45 ordezkari.

Lehen saioaren helburua Kontseilua eratzea eta horren antolakuntza eta funtzionamendua ezartzeko araudia onartzea izango da. Dokumentuaren zirriborroa eskuratu nahi baduzue, sakatu hemen. Araudia.

Osoko Bilkuran, umeek modu ludikoan landuko dituzte funtzionamendu-arauak, batez ere, Kontseiluaren funtzio, eskubide eta betebeharrak.

 

 

BILBOKO UDALAREN ETA UME ETA NERABEEN KONTSEILUKO UME ORDEZKARIEN FAMILIEN ARTEKO TOPAKETA

Azaroaren 6an, topaketa bat egin da Bilboko Udalaren eta Kontseiluko umeen familien artean, proiektuaren inguruko informazio zehatza helarazteko xedearekin: zer da Kontseilua, funtzioak, eskubide eta betebeharrak, antolakuntzako alderdiak… baita azaroaren 20an egingo den Osoko Bilkuraren inguruko informazioa helarazteko ere.

Familien lankidetza eta konplizitatea oso garrantzitsua izango da, abian jarri den parte-hartze prozesurako. Ikaskuntza kolektiboa (umeak eta familiak) egiteko bidaia abian jarri da, eta, horri esker, umeek parte hartzeko espazioak gaituko dira, baita etxeko esparruan ere.

 

 

BILBOKO 45 UMEK HARTUKO DUTE PARTE UME ETA NERABEEN KONTSEILUAN

Urrian, Bilboko Ume eta Nerabeen Kontseiluan parte hartuko duten 45 adingabeak aukeratzeko hauteskundeak egin dira 8 barrutietako 19 zentrotan. Kontsulta eta eztabaidarako organoa izango da, ume eta nerabeen eta helduen arteko ikaskuntza kolektiborako testuingurua sortzeko; organo horretan, iritzia eman, balorazioak egin eta ideiak proposatuko dira, Bilboko bizitzari eta bertako herritarrei eragiten dieten gaien inguruan, tokiko esparruan eta, batez ere, ume eta nerabeentzako udal politikei lotutako gaietan erabakiak hartzeko xedearekin.

Hauteskunde-prozesua borondatezkoa eta parte-hartzailea izan da. Barruti, adin eta sexuaren araberako ordezkaritza antolatzea adostu da, eta hainbat plaza gorde dira, atzerriko gutxiengoen, dibertsitate funtzionala duten adingabeen etniakoen presentzia eta ikusgarritasuna bermatzeko.

Urrian, tailer didaktikoak antolatu dira Kontseiluko kide diren hezkuntza-zentroetan. Aipatutako tailerren bitartez, irakasleek parte-hartzearen inguruko gako-gaietako batzuk lantzen dituzte umeekin, proiektuaren barruan kokatzen laguntzeko.

Elkartutako zentro bakoitzean, Lehen Hezkuntzako umeei –Lehen Hezkuntzako 5. eta 6. mailetakoak– Kontseiluan parte hartzeko hautagai izateko aukera eman zaie. Parte-hartzea eta hautagaitzak aurkeztea borondatezkoa izan dadila proposatu da. Zentro baterako orientazio-kuotak ezarritakoa baino hautagai gehiago egon direnean , zozketa bat egin da horien artean. Gainerakoak zerrenda batean jasoko dira, eta inork uko egitekotan jarriko da abian.

 

 

HAUR ETA NERABEEN UDAL KONTSEILUA

2017an  Bilbok, ume eta nerabeen partaidetza sustatzeko espazioa zabaldu du. Horretarako Haur eta nerabeen udal kontseilua sortuko da. Kontseilu hau, Bilboko distritu guztietako 45 adinengabek osatuko dute. Haur eta nerabe hauek, Juan María Aburto, Bilboko Alkatearekin eta udaleko 6 polotikariekin bat  lan batzordeetan lan egingo dute. Topaketa hauek, eskola orduetan garatuko dira. Bilboko hiria lagun gazteenentzako toki lagungarraigoa bilakatzeko lehengo pausoak ematea da asmoa.

Garratzitsua da kontseilua prozesua bat bezala ikustea eta ez isolatutako ekimena bezala. Etengabeko elkartrukatze espazio bezala, hain zuzen.

 

 

NOLA IKUSTEN DUGU BILBOKO HIRIA HAUR ETA NERABEOK?

Apirilaren 25ean, 26an eta 27an hainbat ikastetxetako ikasleok Bilboko BilboRocken elkartuko gara honako galdera hauek erantzuteko asmoz: Nola ikusten dugu Bilbo haur eta nerabeok? Nolakoa gustatuko litzaiguke izatea? Jaramon egiten digutela sentitzen al dugu? Errespetatzen dira gure eskubideak? Guztion artean pentsatzen duguna esateko horma irudi handi bat eraikiko dugu.

 

 

TALDE EZTABAIDAK BILBOKO ENTITATE ETA FAMILIEKIN. 2017 MAIATZA

¿Eskola-ume diren seme-alabak dituzu? ¿Haurren eta nerabeen alde lan egiten duen erakunderen baten partaide zara? Partekatu itzazu zure ardurak eta proposamenak!
Maiatzaren 24an eta 31an Erakunde eta Familiekin eztabaida talde batzuk egiteko asmoa daukagu haurren eta nerabeen errealitatearen diagnostikoa eta horren inguruko hausnarketa zabaltzeko eta partekatzeko.
Lehenengo Saioa haurren eta nerabeen alde lan egiten duten elkarteei zuzenduta dago. Boluntan (Ronda kalea z/g) egingo dugu lan maiatzaren 24an 12:00tik 14:00ra.
Hurrengo Saioa, eskola-ume diren eta 18 urte baino gutxiagoko seme-alabak dituzten aita eta amei zuzenduta dago eta EDE Fundazioan izango da (Simon Bolívar Kalea, 8b) maiatzaren 31an 18:00tik 20:00ra.
Parte hartzen anima zaitez. Informazio gehiago izateko eta zure partehartzea konfirmatzeko 944009999 telefonora deitu dezakezu edo email bat bidali helbide honetara: gizaikerketak@fundacionede.org