LEHEN OSOKO BILKURA-Azaroak 19

Aurreko azaroaren 19an, Udal kontseiluko lehen osko bilkura ospatu zen.

BilboRock-en bildu ginen, eta ikastetxe lagun eta udal sailek proposatutako hainbat gaien artean, Udal kontseiluko kideek ARRAZISMOA, MATXISMOA eta TRATU ONAK, bai pertsonen artean baita animaliekin, lantzea erabaki zuten.

Gehien bat bozkatu ziren beste gaiak: Agenda 21 eta ingurumea, eta haur eta nerabeentzako aisialdi gunean berpentsatzearena izan ziren.

Kontseilua datorren hilabetean bilduko da lanean jarraitzeko.

 

 

BIHAR UDAL KONTSEILUA MARTXAN JARRIKO DA

Datorren azaroaren 19an, 2021-2022 ikasturteko, Bilboko Haur eta Nerabeen Udal Kontseiluko lehen osoko bilkura ospatuko da BilboRock-en.

Oraingoan 16 hezkuntza zentrok parte hartuko dute, lehen hezkuntzako 5 eta 6. mailako eta bigarren hezkuntzako 1. mailako 46 ikaslek,  Bilboko haurtzaro eta nerabezaroa errepresentatuz.

Osoko bilkura honetan alderdi politiko ezberdinekin bat, ikasturtean zehar zein gai landuko duten aukeratuko dute.

Laster informazio gehiago!!

 

 

 

 

2021-22 HAUTESKUNDEAK ETA FAMILIA BILERA (azaroak 10)

2021-22 kurtso honetan, Bilboko Haur eta Nerabeenmkontseiluko ibilbidea egiten jarraituko dugu,

Hauteskundeak egin izan ditugu. Aurten gehiago gara!

Gainera aurten D. B. H.-ko lehen mailako ikasleek parte hartuko dute ere. Talde lanean arituko gara, beti ere COVID-19 gatik betebeharreko neurriak kontutan hartuz: musukoak, segurtasun distantzia, eta abar.

Datorren azaroaren 10an ordezkari berrien familiakin bilera egingo dugu La Bolsa udaltegian, kontseiluaren inguruko informazioa zabaltzeko asmoz.

 

 

 

HAURREN LAGUN DEN HIRIA MIKROKONTAKIZUNEN EKIMENA

Gaur Diegoren bisita izan dugu, Hiri Adeitsua Umeekin (HAU) mikrokontakizunen egitasmoan parte hartu duena. Francesco Tonucciren “Haurren Hiria” liburuaren ale bat jaso du, UNICEFen HAU programa inspiratu duen pentsalaria. Liburuak egungo hiri-ereduari buruzko gogoeta egiten du, baita hiri-espazioak birdefinitzean haurrak eta nerabeak izateak duen garrantziari buruzkoa ere.

Eskerrik asko Diego zure parte-hartzeagatik!

 

 

UMEEN ETA NERABEEN UDAL KONTSEILUKO ORDEZKARI BATZUK BILBOKO ALKATEAREKIN BILDU DIRA

Ekainaren 7an, Bilboko Haur eta Nerabeen Udal Kontseiluko ordezkari batzuk Juan Mari Aburto alkatearekin bildu ziren, ikasturtean egindako lana azaltzeko.

Alkateaz gain, Isidro Elezgarai Euskal Autonomia Erkidegoko Unicef Batzordeko presidenteak eta Juan Ibarretxe eta Iñigo Zubizarreta Gizarte Ekintzako zinegotziek hartu dute parte bileran.

Haurrek Bullying-aren aurkako manifestua irakurri dute, lan batzordeetan beraiek egina. Era berean, ikastetxeetan jazarpena errotik kentzeko proposamenak alkateari helarazi dizkiote. Horien artean, honako hauek nabarmendu dira: jardunbide egokien eskuliburu bat, gatazkak konpontzeko gune bat, biktimen testigantzak jasotzeko postontzi bat, laguntza-talde bat, ikasleen arteko bitartekaritza bultzatzea, parkeetan egin beharreko ekintzak, elkarte bat eratzea, gurasoekin hitzaldiak, sentsibilizazio-kanpaina bat edo sare sozialetan zabaltzeko bideo bat. 

 

BIDEOA

 

1.000 HAUR ETA NERABEK BAINO GEHIAGOK PARTE HARTU DUTE HAUR ETA NERABEEN ERREALITATEARI BURUZKO INKESTA DIAGNOSTIKOAN

Bilboko 2021eko haur eta nerabeen errealitateari buruzko diagnostikoak barruti guztietako mila haur eta neraberen ekarpenak bildu ditu, eta aukera emango du jakiteko zer ikuspegi duten gaur egun hainbat gairi buruz, hala nola familia-harremanei, eskola-bizitzari, osasunari, hiri-inguruneari, mugikortasunari, aisialdiari, kirolari eta abarri buruz.

Udalerriko ikastetxeekin eta erakunde aliatuekin maiatzean zehar egindako lankidetzaren ondorioz, Udalak udalerriko haur eta nerabeen errealitatearekin zerikusia duten funtsezko alderdiak ezagutu ahal izango ditu, baita indarguneak, aukerak eta kezkak identifikatu ere, haur eta nerabeen neurrira egindako plan bat garatu ahal izateko.

Irailean zehar, diagnostikoaren emaitzen berri emango da, txosten baten, diagnostikoaren sintesi baten eta sare sozialen bidezko dibulgazio-bideo baten bidez.

Prozesu hau Bilbo haur eta nerabeen eskubideak defendatzen dituen hiria onartzearen barruan kokatzen da, eta aurreikusten da 2022ko bigarren seihilekoan amaituko dela, udalerriak UNICEFek emandako “Haur eta nerabeen laguna den hiria” zigilua berritzen duenean.

 

 

Bilboko Ume eta Nerabeen Udal Kontseiluaren 2. osoko bilkura

 

Gaur Bilboko Haur eta Nerabeen Udal Kontseiluaren bigarren osoko bilkura egin da La Bolsa eraikinean. Saioa formatu mistoan egin da eta horretarako, bertan izan dira 7 kontseilukide, Bilboko Udaleko ordezkari politiko eta teknikoak, UNICEF Euskadiko Batzordeko arduradunak eta EDE Fundazioko teknikariak. Kontseiluko gainerako kideak online konektatu dira ikastetxeetatik.

Juan Ibarretxek, Kontseiluko presidenteak, osoko bilkura ireki du haurrei ongietorria emanez eta haien lana eta inplikazioa eskertuz. UNICEFi eskerrak eman dizkio, halaber, Bilbo Haurren Hiri Laguna dela egiaztatzen duen zigilua emateagatik.

Osoko Bilkuran, kontseilukideek ikasturtean egindako lana azaldu dute eta bullyingaren aurka egiteko proposamenak aurkeztu dituzte. Horren ostean, Juan Ibarretxek Udalak horien inguruan egiten duen balorazioa azaldu du, baita proposamen horiek ezartzeko emango diren pausoak ere.

Ondoren, Alizek eta Luisek, gainerako kontseilukideen ordezkari gisa, Kontseiluak bullyingaren aurka adostu duen manifestua irakurri dute eta akta grafikoa bistaratu da. 

Amaitzeko, presidenteak azpimarratu du Udalak Kontseiluaren ekarpenak entzuten jarraitzeko prest dagoela, haur eta nerabeekin hiri atseginagoa eraikitzen jarraitzeko.

Hori dela eta, astelehenean, Juan Mari Aburtok, Bilboko alkateak, bilera batera deituko ditu hainbat kontseilukide, ikasturtean zehar egin dituzten proposamenak eta eskaerak bertatik bertara entzuteko.

 

Bilboko Ume eta Nerabeen Udal Kontseiluaren 4. lan-batzordea

Maiatzaren 6an Bilboko Haur eta Nerabeen Udal Kontseiluaren 4. lan-batzordea egin zen La Bolsa eraikinean. Kontseiluan parte hartzen duten ikastetxeetako ordezkariak bertaratu ziren.
Saioan kontseilukideek ikasturtean egindako lana birpasatu zuten, eta aurkezpen bat prestatu zuten 2. osoko bilkuran erabiltzeko.

Saio horretan, sailburuek ikasturtean egindako lana errepasatu zuten, eta bideo bat grabatu zuten 2. osoko bilkuran ikusteko. Bideoan bullyingarekin amaitzeko ekintza-proposamenak ere sartu zituzten.

Maiatzaren 2a, Bullyingaren kontrako Nazioarteko Eguna Bullying egoerak desagerrarazteko lanean ari da Bilboko Haur eta Nerabeen Udal Kontseilua

Haur eta Nerabeen Udal Kontseilua osatzen duten Bilboko 8 barrutietako 46 haur beren ingurunean bullying-egoerak desagerrarazteko lanean ari dira.

2019-2023ko Udal Gobernu Planaren arabera, agintaldiko lehentasunezko jardueretako bat da Bilboko Haur eta Nerabeen Udal Kontseilua sustatzea eta ikusgarritasun handiagoa ematea, ikastetxeetara hurbilduz eta kolektibo horri eragiten dioten gaietan haren parte-hartzea bultzatuz. UNICEFek, 2018an, Bilbo “Haurrekin Adiskidetsu den Hiria” izendatu zuen, eta azken honek “Etorkizunari Begira Haurren eta Nerabeen Udal Plana” egin zuen, hurrengo urteetan garatu beharreko neurri zehatzekin.

Udal-politiken diseinuan parte-hartzeak duen garrantzia kontuan hartuta, 2016an Bilboko Haur eta Nerabeen Udal Kontseilua eratu zen, haurren eta nerabeen parte-hartzea artikulatzeko helburuarekin. Horrela, espazio bat eskaini zitzaien ideiak adierazteko eta proposamenak egiteko.

Kontseiluak udalerriko Lehen Hezkuntzako 5. eta 6. mailatako haurren 46 ordezkari ditu. Haur eta Nerabeen Udal Kontseilua kontsultarako eta elkarrizketarako organo bat da, eta haurren, nerabeen eta helduen arteko ikaskuntza kolektiborako testuinguru bat egituratzen du, Bilboko bizitzari eragiten dioten gaiei buruzko iritzia emateko, balioesteko eta proposamenak egiteko, batez ere, haur eta nerabeentzako udal-politikekin lotutako gaiei dagokienez.
Bilboko Haur eta Nerabeen Udal Kontseiluko sailburuek, azaroaren 20ko osoko bilkuran, bullyinga aukeratu zuten ikasturtean zehar landu beharreko gai gisa.

Hilabete hauetan, hainbat lan-saio egin dituzte berdinen arteko tratu txarrak zer diren jakiteko, non gertatzen diren eta horrelako egoeretan nork parte hartzen duen aztertzeko. Gainera, Bilbon garatzeko hainbat ekintza-proposamen egin dituzte, herritarrak berdinen arteko tratu txarrak desagerraraztearen garrantziaz kontzientziatzeko.

 

HAURTZAROKO ERREALITATEAREN DIAGNOSTIKO BERRIA

 

Bilboko Udalak “Haurrekin Adiskidetsu den Hiriko Aitorpena” berritzeko izapideak hasi ditu, eta abiapuntutzat hartu du haurren eta nerabeen errealitateari buruzko diagnostiko berri bat egitea, ondoren Tokiko Plana eguneratzeko. Bilboko haur eta nerabeen ikuspegiak leku garrantzitsua hartuko du diagnostikoa egiteko orduan: apirilean eta maiatzean, 8 eta 18 urte bitarteko biztanleei zuzendutako inkesta bat aktibatzea aurreikusi da, haien ahotsa entzuteko. Horrez gain, udalerriari, kezkei eta interesei buruzko mikro-kontakizunak idatz ditzaten sustatzeko ekimena ere aurreikusi da. Gainera, diagnostikoak Haurren eta Nerabeen Udal Kontseiluaren parte-hartzea jasotzen du, bai eta udalerriko erakunde erreferenteena ere, eztabaida-taldeen bidez.

Datu horiek bilduta, Udalak funtsezko alderdiak ezagutu ahal izango ditu, hala nola hiri-ingurunea, kultura, aisia, astialdia, hezkuntza, familia, partaidetza edo osasuna, baita indarguneak, aukerak eta kezkak identifikatu ere, haur eta nerabeen neurrira egindako plan bat garatu ahal izateko. Aurreikuspenen arabera, 2022ko bigarren seihilekoan UNICEFek “Bilbo Haurrekin Adiskidetsu den Hiria” zigilua baliozkotuko du.

HAURTZAROAREN ERREALITATEARI BURUZKO DIAGNOSTIKO BERRIA ABIAN JARRI DA

Bilboko Udalak Haurrekin Adiskidetsua den Hiria zigilua berritzeko izapideak hasi ditu, eta abiapuntutzat hartu du haurren eta nerabeen errealitateari buruzko diagnostiko berri bat egitea, ondoren Tokiko Plana eguneratu ahal izateko.

Bilboko haur eta nerabeen ikuspegiak leku garrantzitsua hartuko du diagnostiko berri hau egiteko orduan: apiriletik maiatzera bitartean, 8 eta 18 urte bitarteko biztanleei zuzendutako inkesta bat aktibatzea aurreikusi da, haien ahotsa entzuteko. Horrez gain, udalerriari, kezkei eta interesei buruzko mikrokontakizunak idatz ditzaten sustatzeko ekimena ere aurreikusi da. Gainera, diagnostikoak Haurren eta Nerabeen Udal Kontseiluaren parte-hartzea jasotzen du, bai eta udalerriko erakunde erreferenteena ere, eztabaida-taldeen bidez.

Datu horiek bilduta, Udalak funtsezko informazioa jaso ahal izango ditu, hala nola hiri-ingurunea, kultura, aisia, astialdia, hezkuntza, familia, partaidetza edo osasuna, bai eta indarguneak, aukerak eta kezkak identifikatu ere, haur eta nerabeen neurrira egindako plan bat garatu ahal izateko. Aurreikuspenen arabera, 2022ko bigarren seihilekoan UNICEFek “Bilbok Haurrekin Adiskidetsua den Hiria” zigilua berrituko du.

Informazio gehiago